یوم تکبیر دے موقعے تے پاکستان آپݨی غیر متزلزل قرارداد دی وَلا تصدیق کریندا پئے، فہد ہارون

اسلام آباد ـ 28 مئی (اے پی پی) یوم تکبیر دے موقعے تے، قوم پاکستان دی تاریخ دے ہک اہم لمحے دی یاد منائی ویندی پئی اے – او ݙینھ جئیں ݙینھ پاکستان ہک ایٹمی طاقت دے طور تے ابھریا، آپݨے دفاع دے خودمختار حق اتے علاقائی استحکام دی تصدیق کریندا ہویا۔ایں ݙینھ دی مناسبت نال ہک سنیہے اچ، وزیر مملکت اتے وزیر اعظم دے ڈیجیٹل میڈیا بارے معاون خصوصی فہد ہارون پاکستان دے سائنسداناں، مسلح افواج، اتے عوام دے لچکدار جذبے کوں خراج تحسین پیش کیتا۔ انہاں آکھیاجو “اے ݙینھ پاکستان دی غیر متزلزل مرضی دی یاد دہانی کریندا پئے۔” “اےاساݙے سائنسداناں دی ذہانت کوں سلام اے جنہاں ناممکن کوں ممکن بݨایا، اساݙی مسلح افواج کوں جیڑھے فولادی ستون آلے محافظ ہن، اتے ساݙے لوکاں کوں جنہاں دا اتحاد ہمیشہ اساݙی سبھ توں وݙی طاقت رہیے۔”انہاں زور ݙتا جو پاکستان دی ایٹمی صلاحیت، بصیرت آلی قیادت دی رہنمائی نال، کݙاہیں وی جارحیت دا انتخاب کائنا ہئی بلکہ معتبر دفاع دا ہک اصول ہئی۔ انہاں آکھیاجو اساݙے اجتماعی عزم مشکلات کوں طاقت اچ بدل ݙتے۔انہاں لوکاں کوں جنہاں اساݙے عزم کوں آزمایا، انہاں دے اندازے ناکام تھئن۔ انہاں آکھیا جو میں قوم کوں آکھداں جو سکون نال سُموو، کیوں جو محافظ کݙاہیں وی پلکاں نئیں جھپکیندے۔ انہاں آکھیا جو”پاکستان دی خودمختاری صرف ہک ریݙ لائن نئیں – ایہ پتھر اچ تراشیا ہویا ہک قلعہ اے۔ اڄ اساں پرعزم ہیسے۔ ہمیشہ، اساں ناقابل تسخیر ہیسے۔ پاکستان زِنده باد۔”