جکارتہ ۔29 مئی (اے پی پی) انڈونیشیا آکھیا جو اگر اسرائیل فلسطینی ریاست کوں تسلیم کر ڳھنے تاں انڈونیشیا وی اسرائیل کوں تسلیم کر سڳدے ۔ العربیہ موجب انڈونیشیا دے صدر پرابوو سوباننتو فلسطینی تنازعے دے ݙو ریاستی حل تے گالھ کریندیں ہوئیں آکھیا جو فلسطین دی آزادی ای خطے اچ حقیقی امن دے حصول دا ہکو راہ اے ۔اگر اسرائیل اے تسلیم کر ڳھنے تاں اساکوں ہک خودمختار ملک دے طور تے اسرائیل دے حقوق کوں تسلیم کرݨ دی ضمانت ݙیوݨی چاہیدی اے ۔ اتے ایندے تحفظ دی ضمانت ݙیوݨی چاہیدی اے ۔ انہاں ایں گالھ نال اتفاق کیتا جو اسرائیل دی سلامتی یقینی بݨاوݨ دی لوڑھ اے ۔
