اسلام آباد۔29 مئی(اے پی پی)وفاقی وزیر برائے پٹرولیم علی پرویز ملک آکھیے جو حکومت پاکستان توانائی دے شعبے کوں مضبوط، پائیدار اتے جدید ٻݨآوݨ کیتے پرعزم اے، سارے شراکت داراں کوں رل تے توانائی دا اینڄھا نظام ٻݨآوݨا ہوسی ڄیڑھا عوام دی لوڑھ پوری کر سڳے اتے معیشت کوں استحکام ݙیوے۔ اے ڳآلھ انہاں پاکستان سٹیٹ آئل (پی ایس او) ہائوس دے دورے ویلھے آکھی جتھاں پی ایس او دے بورڈ آف مینجمنٹ دے چیئرمین آصف بیگ محمد، چیف سپلائی چین آفیسر اتے قائم مقام منیجنگ ڈائریکٹر عبدالصمد، پی ایس او دی سینئر قیادت انہاں دا استقبال کیتے۔ وزیر پٹرولیم کئی اعلیٰ سطح اجلاساں اچ شرکت کیتی اتے کمپنی دی کارکردگی، سپلائی چین دی مضبوطی اتے ڈیجیٹل آٹومیشن دے اقدامات دا جائزہ ڳھدے۔ وفاقی وزیر علی پرویز ملک آئل کمپنیز ایڈوائزری کمیٹی (او سی اے سی) دے نمائنداں نال وی ملین اتے انہاں نال توانائی دے شعبے دے چیلنجز، ضابطہ جاتی اصلاحات و پالیسی ہم آہنگی تے الایا۔ ہک ٻئے اجلاس اچ وفاقی وزیر، پٹرولیم ڈیلرز ایسوسی ایشن دے وفد نال وی ملین اتے مسلیاں دے حل دا یقین ݙیوائے۔
