اسلام آباد۔29مئی(اے پی پی)وفاقی وزیر برائے قومی تحفظِ خوراک و تحقیق رانا تنویر حسین نال پاکستان فلور ملز ایسوسی ایشن (پی ایف ایم اے ) دا وفد ملیے اتے کݨک دے شعبے بارے معاملیایں تے الایا۔ وفد حکومت کوں آکھیا جو او کݨک دی مصنوعات دی درآمد و برآمد دی اجازت ݙیوے تاں جو صنعتی سرگرمیوں ودھن، سپلائی چین برقرار رہوے اتےر ملک دے زرمبادلہ دے ذخائر ودھ سڳن۔ وفاقی وزیر آکھیا جو حکومت متعلقہ شعبے اچ اقدامات تے غور کریندی پئی اے۔ ملاقات اچ وفاقی وزیر آکھیا جو سٹریٹجک ذخائر دی مارکیٹ اچ فراہمی دا کوئی امکان کائنی، پاکستان ایگریکلچرل سٹوریج اینڈ سروسز کارپوریشن (پاسکو) ولوں کݨک دے سٹریٹجک ذخائر صرف ہنگامی حالات کیتے ہین ڄیکوں کہیں صورت اوپن مارکیٹ اچ جاری نئیں کیتا ونڄ سڳدا، پاسکو دے ذخائر ساݙی قومی خوراکی سلامتی دا اہم جزو ہین اتے اے صرف ہنگامی صورتحال اچ استعمال کیتے ویسن۔
