اسلام آباد۔31 مئی (اے پی پی) چیئرمین سینیٹ سید یوسف رضا گیلانی آکھیے جوشہید ایڈیشنل ڈپٹی کمشنر ہدایت اللہ بلیدی دہشت گرداں نال لڑدے ہوئیں بہادری دی وݙی مثال قائم کیتی اے اتے پوری قوم دی ہمدردیاں انہاں دے گھرآلیں نال ہن ، پوری قوم اتے سارے ریاستی ادارے سفاک دہشت گرداں دے مذموم عزائم دے خلاف متحد ہن، دہشت گردی مکݨ تئیں سافی جدوجہد جاری راہسی، ایجھے بزدلانہ حملے قوم دے حوصلے جھکے نی کر سڳدے، ملک دشمن عناصر کوں انہاں دے انجام تئیں پڄا تے ساہ ڳھدا ویسی۔ سینیٹ سیکرٹریٹ میڈیا ڈائریکٹوریٹ توں جاری بیان موجب چیئرمین سینیٹ سید یوسف رضا گیلانی صوبہ بلوچستان دے ضلع سوراب اچ فتنتہ الہندوستان دے دہشت گرداں دے سرکاری افسراں دے گھراں تے حملے بازار اچ بینک لٹݨ دی سخت لفظاں اچ مذمت کیتی اے۔ انہاں اپݨے علاقے دا دفاع کریندے ہوئیں شہادت پاوݨ آلے ایڈیشنل ڈپٹی کمشنر ہدایت اللہ بلیدی کوں خراج عقیدت پیش کیتے۔ چیئرمین سینیٹ سید یوسف رضا گیلانی آکھیے جو شہید ایڈیشنل ڈپٹی کمشنر ہدایت اللہ بلیدی دہشت گرداں نال لڑدے ہوئیں بہادری دی وݙی مثال قائم کیتی اے اتے پوری قوم دی ہمدردیاں انہاں دے اہل خانہ نال ہن۔ چیئرمین سینیٹ سید یوسف رضا گیلانی آکھیے جو دہشت گردی دیاں ایجھیاں مذموم اتے بزدلانہ کارروائیاں ملک اچ امن و امان دی صورتحال کوں سبوتاژ نی کرسڳدیاں۔ انہاں آکھیے جو فتنۃ الہندوستان جیھے عناصر دا کہیں مذہب، قومیت یا انسانیت نال تعلق کائنی۔ چیئرمین سینیٹ آکھیے جو پوری قوم اتے سارے ریاستی ادارے انہاں سفاک دہشت گرداں دے مذموم عزائم دے خلاف متحد ہن اتے دہشت گردی مکݨ تئیں ساݙی جدوجہد جاری رہسی۔ انہاں واضح کیتے جو ایجھے بزدلانہ حملے قوم دے حوصلے جھکے نی کرسڳدے اتے ملک دشمن عناصر کوں انہاں دے انجام تئیں پڄا تے ساہ ڳھدا ویسی۔ چیئرمین سینیٹ سید یوسف رضا گیلانی شہید ایڈیشنل ڈپٹی کمشنر کوں خراج عقیدت پیش کریندے ہوئیں انہاں دے اہل خانہ نال دلی ہمدردی دا اظہار کیتے اتے اللہ تعالیٰ توں انہاں دے درجے اُچے کرݨ اتے اہل خانہ کیتے صبر جمیل دی دعا وی کیتی۔
