لاہور ۔31 مئی(اے پی پی) وزیراعلیٰ پنجاب مریم نواز ارشد ندیم کوں ایشین ایتھلیٹکس چیمپئن شپ اچ گولڈ میڈل گھنݨ تے مبارخ ݙتی اے ۔ آپݨے ہک تہنیتی بیان اچ انہاں آکھیے جو پوری قوم کوں ارشد ندیم دی کامیابی تے ماݨ اے، ارشد ندیم جیولن تھرو اچ ہک واری ول گولڈ میڈل گھن تے پاکستان دا ناں پوری دنیا اچ روشن کر ݙتے ۔ انہاں گولڈ میڈل نال قوم دے نہ صرف دل جیتے بلکہ تاریخ وی جتی اے ۔ وزیراعلیٰ ارشد ندیم کوں خراج تحسین پیش کریندے ہوئیں آکھیا جو ”شاباش ارشد ندیم شاباش اساکوں تہاݙے تے ماݨ اے، تہاݙی کامیابی تے پوری قوم خوش اے“ ۔ انہاں ارشد ندیم دیاں مسلسل کامیابیاں کیتے نیک تمناواں دا اظہار کیتا اتے مستقبل اچ ایجھی مزید کامیابیاں حاصل کرتے ملک دا ناں روشن کرݨ کیتے دعا وی کیتی۔
