لاہور ۔31مئی (اے پی پی) چئیرمین پی سی بی محسن نقوی ارشد ندیم کوں جنوبی کوریا اچ ایشین ایتھلیٹکس چیمپئن شپ اچ گولڈ میڈل جتݨ تے مبارکباد ݙتی اے ۔آپݨے تہنیتی پیغام اچ انہاں آکھیے جو شاباش ارشد ندیم شاباش اساکوں تہاݙے تے فخر اے ۔چیئرمین پی سی بی آکھیے جو ارشد ندیم دی جت تے انہاں دے کوچ اتے اہلخانہ کوں وی مبارکباد پیش کرینداں،ارشد ندیم پاک دھرتی دا سپوت اے اتے اڄ انہاں ہک واری ول ہر پاکستانی دا سر فخر نال اُچا کیتے،ارشد ندیم پاکستان دا ہیرو اے اتے قوم ایں کامیابی تے ٻہوں خوش اے ۔انہاں آکھیا جو ارشد ندیم دی جت سخت محنت، لگن اتے کمٹمنٹ دا نتیجہ اے،تاریخی کامیابی تے ہر پاکستانی خوش اے اتے قوم کوں پاکستان دے باصلاحیت پتر تے فخر اے ۔انہاں آکھیا جو ارشد ندیم جنوبی کوریا اچ پاکستان دا ناں روشن کر تے ساریاں دے دل جت ڳھدن،بھارت سودھا ٻئے ملکاں دے ایتھلیٹس کوں ہرا تے چیمپئن شپ جت تے قومی پرچم کوں اُچا کرݨ ٻہوں وݙا اعزاز اے۔
