سیالکوٹ۔ 1 جون (اے پی پی) وزیر دفاع خواجہ محمد آصف بزنس کمیونٹی دے قائد اتے فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی) دے رہنما ریاض الدین شیخ دی اہلیہ دے ایصال ثواب کیتے منعقدہ اجتماعی دعا دی تقریب وِچ شرکت کیتی۔ ایں موقع تے انہاں مرحومہ دے اُچے درجات سانڳے دعا منڳی۔ خواجہ محمد آصف بزنس کمیونٹی دے قائد ریاض الدین شیخ اتے انہاں دے پُتر رافع ریاض الدین شیخ کوں دلاسہ ݙیندے آکھیے جو او ایں ݙکھ اچ انہاں دے رلے ہن ۔ انہاں دعا کیتی جو اللہ تعالیٰ مرحومہ دی کامل بخشش و مغفرت فرماوے اتے سارے لواحقین کوں صبر ݙیوے۔ایں موقع تے سٹی صدر پاکستان مسلم لیگ (ن) محمد رفیق مغل، سابق میئر سیالکوٹ توحید اختر چوہدری، سینئر نائب صدر سیالکوٹ چیمبر آف کامرس اینڈ انڈسٹری وسیم شہباز لودھی، دارالشفقت سیالکوٹ دے سرپرست اعلیٰ شیخ عبدالواحد، چیف ایگزیکٹو الشیخ ہسپتال سیالکوٹ شیخ اشرف حیدر، معروف صنعتکار ڈاکٹر اسلم ڈار سودھے بزنس کمیونٹی نال تعلق رکھݨ آلے مرد تے تریمتاں وی وݙی تعداد وی موجود ہئی۔
