تہران۔ 13 جون(اے پی پی)ایران دی مسلح افواج دے ترجمان بریگیڈیئر جنرل ابوالفضل شکرچی رہائشی عمارتاں سودھا ایرانی سرزمین تے اسرائیلی حملیاں دی تصدیق کریندے آکھیے جو اسرائیل کوں انہاں حملیاں دی بھاری قیمت چکاوݨی ہوسی۔ ارنا نیوز دے مطابق بریگیڈیئر جنرل شکرچی جمعہ دی سویل آکھیا جو اسرائیلی حکومت ولوں رات کوں کیتے ڳئے حملے دا تکڑا ولدا ݙتا ویسی۔ واضح رہوے جو اسرائیل جمعہ دی رات ایرانی دارالحکومت تہران دے نال نال ایران دے ٻئے شہراں اچ اتے ایندے نیڑے فوجی حملے شروع کر ڈتے۔ تصویراں اچ دارالحکومت اچ کئی ڄاہیں تے رہائشی عمارتاں کوں تباہ تھیندا ݙٹھا ونڄ سڳدے۔ عینی شاہدین اتے سرکاری ٹی وی دے نامہ نگاراں ڈسایا جو انہاں متاثرین اچ تریمتیں اتے ٻالاں دیاں لاشاں وی ݙٹھین۔
