اسلام آباد۔ 16 جون (اے پی پی) چیئرمین سینیٹ سید یوسف رضا گیلانی آکھیا جو حکمرانی کوں مؤثر، فعال اتے ذمہ دار ٻݨاوݨ اچ مصنوعی ذہانت دا کلیدی کردار اے۔ جدید ٹیکنالوجی کوں ایں طریقے نال اپناوݨا ہوسی جو پارلیمانی نظام اچ انقلابی تبدیلیاں آون۔ سنوار کوں سینیٹ اچ کئی مصنوعی ذہانت بارے نالج سیشن توں خطاب کریندیں ہوئیں چیئرمین سینیٹ آکھیا جو آپݨی عوامی خدمت اتے سیاسی پندھ اچ ہمیشہ ایں یقین کوں مضبوطی نال پکڑیے جو حکومت دا مستقبل جدید ٹیکنالوجی کوں اپناوݨ اچ اے۔ سینیٹ قانون سازی اچ جدیدیت کیتے انتہائی اہم پیش رفت کیتی اے۔چیئرمین سینیٹ آکھیا جو ڈیجیٹل گورننس، ڈیٹا تے مبنی فیصلہ سازی اتے عوامی خدمت دی بہتری کیتے مصنوعی ذہانت دا استعمال ہݨ کوئی سوال نئیں بلکہ ہک ضروری حصہ بݨ ڳئے۔ چیئرمین سینیٹ آکھیا جو سفیر یورپی یونین پاروں پارلیمانی بجٹ آفس دے قیام اتے سینیٹ کیتے مصنوعی ذہانت ٹولز دی تیاری ممکن تھئی۔ سید یوسف رضا گیلانی آکھیا جو یورپی یونین دی پارلیمانی اداریاں نال وابستگی کوں سراہندے ہن اتے مستقبل وچ تعاون دے فروغ دے خواہشمند ہن۔ چیئرمین سینیٹ ردا قاضی مشیر برائے خصوصی اقدامات اتے پارلیمانی ترقیاتی یونٹ، سینیٹ سیکرٹریٹ، مستحکم پارلیمان اتے پپس کوں خراج تحسین پیش کیتا۔ چیئرمین سینیٹ سید یوسف رضا گیلانی آکھیا جو پارلیمانی شعبے اچ مصنوعی ذہانت دا ذمہ دارانہ استعمال ناگزیر اے، ٹیکنالوجی دے شعبے دے نال مزید گہرے اشتراک دے خواہشمند ہن تاں جو قومی مفاد وچ جدت گھن آندی ونڄ سڳے۔
