راولپنڈی۔ 16 جون (اے پی پی) سکیورٹی فورسز دی صوبہ خیبر پختونخوا وچ ݙو انڄ انڄ کارروائیاں اچ بھارتی پراکسی فتنہ الخوارج توں تعلق رکھݨ آلے 5 خوارجی ہلاک تھی ڳئے۔سنوار کوں آئی ایس پی آر توں جاری بیان موجب سکیورٹی فورسز ولوں پشاور اچ انٹیلی جنس دی بنیاد تے آپریشن کیتا ڳیا جئیں اچ بھارتی حمایت یافتہ خوارج دی موجودگی دی اطلاع ہئی۔ آپریشن اچ سکیورٹی فورسز مہارت دے نال بھارتی سپانسر شدہ خوارج دے ٹھکانے دا محاصرہ کیتا اتے شدید فائرنگ دے تبادلے دے بعد 4 بھارتی سپانسر شدہ خوارج بشمول خارجی حارث اتے خارجی بصیر کوں جہنم واصل کر ݙتا ڳیا۔انٹیلی جنس تے مبنی ہک ٻئے آپریشن ضلع شمالی وزیرستان اچ کیتا ڳیا اتے ایں دے نتیجے اچ فائرنگ دے تبادلے وچ سکیورٹی فورسز ہک ٻئے خارجی کوں جہنم واصل کر ݙتا۔ ہلاک تھیوݨ آلے بھارتی حمایت یافتہ خوارج توں اسلحہ، گولہ بارود اتے دھماکہ خیز مواد وی برآمد تھیا جو انہاں علاقیاں وچ دہشت گردی دیاں متعدد کارروائیاں وچ سرگرم رہے۔علاقے اچ پاتے ونڄݨ آلے کہیں وی بھارتی سپانسر شدہ خارجی کوں ختم کرݨ کیتے کلیئرنس آپریشن جاری ہن، کیونجو پاکستان دی سکیورٹی فورسز ملک توں بھارتی سپانسر شدہ دہشت گردی دی لعنت کوں ختم کرݨ کیتے پرعزم ہن۔
