اسلام آباد۔ 16 جون (اے پی پی) وزیراعظم محمد شہباز شریف ایرانی عوام نال یکجہتی دا اظہار کریندیں ہوئیں آکھیا اے جو ایران تے اسرائیل دے حملے اقوام متحدہ دے چارٹر اتے بین الاقوامی قوانین دی مکمل خلاف ورزی ہن، پاکستان اقوام متحدہ دی سلامتی کونسل اچ ایران دی حمایت کیتی اے۔ سنوار کوں وزیراعظم آفس دے میڈیا ونگ توں جاری بیان دے مطابق اسلام آباد اچ منعقدہ انٹرنیشنل میری ٹائم ایکسپو اینڈ کانفرنس دے موقع تے وزیراعظم محمد شہباز شریف نال پاکستان اچ ایران دے سفیر رضا امیر مقدم ملاقات کیتی۔ ملاقات اچ وزیراعظم ایران دے خلاف اسرائیلی جارحیت تے پاکستان دی مذمت اتے معصوم لوکاں دی شہادتیں تے پوری قوم ولوں ایران نال ہمدردی دے جذبات کوں دہرایا۔ وزیراعظم خطے دے حالیہ منظرنامے تے گالھ مہاڑ کریندے ہوئیں کشیدگی دے دوران پاکستان دی ایران اتے ایں دے عوام نال یکجہتی دا اظہار کیتا۔ وزیراعظم ایران دے صدر ڈاکٹر مسعود پیزشکیان نال آپنڑیں ٹیلی فونک گالھ مہاڑ دا حوالہ ݙیندے ہوئیں آکھیا جو پاکستان اقوام متحدہ دی سلامتی کونسل اچ ایران دی حمایت کیتی، اسرائیلی حملے اقوام متحدہ دے چارٹر اتے بین الاقوامی قوانین دی مکمل خلاف ورزی ہن۔
