اسلام آباد۔ 17 جون (اے پی پی) نائب وزیر اعظم اتے وزیر خارجہ سینیٹر محمد اسحاق ڈار منگل کوں اتھاں پاکستان اتے متحدہ عرب امارات دے سانجھے وزارتی کمیشن دے 12ویں اجلاس کیتے ڈوجھے بین الوزارتی تیاری دے اجلاس دی صدارت کیتی۔ اے اجلاس آندے ہفتے ابوظہبی وچ تھیسی۔ دفتر خارجہ دے مطابق اجلاس وچ وزیر اعظم دے معاون خصوصی برائے نائب وزیر اعظم، وزارت خارجہ، اقتصادی امور، داخلہ، ثقافت، ریلوے، کامرس، آئی ٹی، نجکاری، خوراک، توانائی، موسمیاتی تبدیلی، ہوابازی، تعلیم، سائنس اتے ٹیکنالوجی، صحت، بین الصوبائی رابطہ، بجلی اتے پٹرولیم دیاں وزارتاں دے حکام دے علاوہ ایس آئی ایف سی اتے سٹیٹ بینک دے سینئر حکام شرکت کیتی۔ اجلاس وچ مختلف شعبیاں وچ پاک-یو اے ای دوطرفہ تعاون تے پیشرفت دا جائزہ ڳھدا گیا اتے ݙوہیں ملکاں وچال سرمایہ کاری ودھاوݨ دے موقعیاں تے ڳالھ کیتی ڳئ۔ ایں موقع تے نائب وزیر اعظم متحدہ عرب امارات نال اقتصادی اتے تجارتی تعلقات کوں ٻیا ودھاوݨ دی اہمیت تے زور ݙتا۔
