اسلام آباد۔ 18 جون (اے پی پی) نائب وزیراعظم اتے وزیر خارجہ سینیٹر اسحاق ڈار ایران دے خلاف اسرائیل دی جاری فوجی جارحیت دے خلاف اتے ایران نال اظہار یکجہتی کیتے مسلمان ملکاں دی طرفوں متفقہ طور تے جاری کیتے ڳئے سانجھے بیان دی کاپی سینیٹ وچ پیش کر ݙتی۔ سینیٹ اجلاس وچ انہاں اے کاپی ایوان وچ پیش کیتی۔تکھے بدلدی علاقائی صورتحال اتے مشرق وسطیٰ وچ کشیدگی وچ غیر معمولی ودھارے بالخصوص ایران دے خلاف اسرائیل دی جاری فوجی جارحیت دے پیش نظر الجزائر، بحرین، برونائی دارالسلام، چاڈ، کوموروس، جبوتی، مصر، عراق، اردن، کویت، لیبیا، موریطانیہ، پاکستان، قطر، سعودی عرب، صومالیہ، سوڈان، ترکیہ، اومان اتے متحدہ عرب امارات دے وزرائے خارجہ ہک سانجھے بیان وچ 13 جون 2025 توں اسلامی جمہوریہ ایران تے اسرائیل دے حملیں اتے کہیں وی ایجھے اقدام کوں جیڑھا بین الاقوامی قانون اتے اقوام متحدہ دے چارٹر دے مقاصد اتے اصولاں دی خلاف ورزی کرے، دی ݙو ٹوک لفظاں وچ مذمت کیتی۔وزرائے خارجہ ریاستاں دی خود مختاری اتے علاقائی سالمیت دے احترام دے نال نال چنگی ہمسائیگی دے اصولاں تے عمل اتے جھیڑیں دے پرامن تصفیے دی لوڑھ تے زور ݙتا۔ انہاں آکھیے جو ایران دے خلاف اسرائیلی مخامصت کوں روکݨ دی لوڑھ ے جو مشرق وسطیٰ وچ ودھدی کشیدگی دے دوران سامݨے آئی۔ موجودہ خطرناک کشیدگی تے شدید تشویش دا اظہار کریندے انہاں آکھیا جو ایں نال پورے خطے دے امن و استحکام تے سنگین نتیجے نکلݨ دا ݙر اے ۔ انہاں آکھیے جو ہک جامع جنگ بندی اتے امن دی بحالی کیتے کم کرݨ دی لوڑھ اے۔وزرائے خارجہ آکھیے جو جوہری اتے وݙے پیمانے تے تباہی دے ݙوجھے ہتھیاراں توں پاک مشرق وسطیٰ دے علاقے دے قیام دی وختی لوڑھ اے جیڑھا جو متعلقہ بین الاقوامی قرارداداں موجب خطے دیاں ساریاں ریاستاں تے بغیر کہیں استثنیٰ دے لاگو ہوون، نیز مشرق وسطیٰ دے سارے ملکاں کوں جوہری ہتھیاراں دے عدم کھنڈݨ (این پی ٹی) دے معاہدے وچ شامل تھیوݨ دی وختی لوڑھ اے۔ انہاں آکھیے جو بین الاقوامی ایٹمی توانائی ایجنسی (آئی اے ای اے) دیاں متعلقہ قرارداداں اتے اقوام متحدہ دی سلامتی کونسل دے فیصلیں موجب جوہری تنصیبات کوں نشانہ بݨاوݨ توں ھک پاسے ہٹن دی انتہائی اہمیت اے کیونجو ایجھیاں کارروائیاں بین الاقوامی قانون اتے بین الاقوامی انسانی قانون بشمول 1949 دے جنیوا کنونشنز دی خلاف ورزی ہن۔انہاں سانجھے بیان وچ آکھیے جو ایرانی جوہری پروگرام دے حوالے نال پائیدار معاہدے تئیں پُڄݨ دا واحد قابل عمل ذریعہ دے طور تے مذاکرات دے رستے تے تکھے واپسی دی وختی لوڑھ اے ۔انہاں آکھیے جو بین الاقوامی قانون دے متعلقہ قواعد دے موجب بین الاقوامی آبی گزرگاہواں وچ نیویگیشن دی آزادی دے تحفظ دی اہمیت اتے میری ٹائم سکیورٹی کوں ضیان پڄاوݨ توں گریز کرݨ ضروری اے۔ سانجھے بیان موجب سفارت کاری، ڳالھ مہاڑ اتے چنگی ہمسائیگی دے اصولاں دی پاسداری، بین الاقوامی قانون دے موجب ہووݨی چاہیدی اے۔
