وارسا۔ 18 جون (اے پی پی) روس دے صدر ولادیمیر پوٹن اسرائیل اتے ایران کوں جنگ بندی کیتے ثالثی دی پیشکش کیتی اے۔ اے ایف پی موجب روسی صدر اے پیشکش اسرائیل اتے ایران وچال جنگ شروع تھیوݨ دے وختی بعد اسرائیلی وزیراعظم بنجمن نیتن یاہو اتے ایران دے صدر مسعود پیزشکیان کوں فون کرتے کیتی۔امریکی تھنک ٹینک کارنیگی اینڈومنٹ فار انٹرنیشنل پیس دے ہک تجزیہ کار نکول گریجوسکی موجب روسی صدر دی ایں پیشکش دا مقصد اپݨے اتحادی ملک دی حفاظت کرݨ اے کیونجو روس ایران وچ حکومت دی تبدیلی نئیں چاہندا، خاص طور تے جے ایجھی کہیں تبدیلی دے نتیجے وچ ایران وچ کوئی مغرب نواز حکومت قائم تھیوݨ دا امکان ہووے۔ واضح رہے جو روس اتے ایران جنوری وچ فوجی تعلقات کوں وسعت ݙیوݨ دے ہک اسٹریٹجک پارٹنرشپ دے معاہدے تے دستخط کر رکھئن۔ ایں دوران روس ایران تے اسرائیلی حملے دی مذمت وی کرچُکئے۔ ایں پاسے یوکرین اتے ایں دے اتحادی ملکاں ایران تے روس کوں ڈرون اتے گھٹ فاصلے تئیں مار کرݨ آلے میزائل ݙیوݨ دا الزام لیندن۔
