اسلام آباد۔18 جون(اے پی پی) وزیراعظم محمد شہباز شریف نال قومی اسمبلی دے ارکان اظہر قیوم ناہرا، شگفتہ جمانی، میاں خان بگٹی اَتے محمد خان جمالی بدھ کوں ملین اَتے مختلف معاملیاں تے ڳالھ مہاڑ کیتی۔ وزیراعظم آفس دے میڈیا ونگ ولوں جاری بیان دے مطابق، قومی اسمبلی دے ارکان وزیراعظم کوں آندے مالی سال دا بجٹ پیش کرݨ تے مبارکباد ݙتی اَتے ایندے کیتے اپݨی پوری حمایت دا یقین ݙیوایا۔ ملاقات اچ انہاں اپݨے اپݨے حلقیاں دے معاملیاں اَتے ملکی مجموعی سیاسی صورتحال تے وی الایا۔ ملاقات اچ وزیر تعلقات عامہ رانا مبشر اقبال، وزیر مملکت بجلی عبد الرحمن کانجو اَتے معاون خصوصی طلحہ برکی وی موجود ہن۔
