اسلام آباد۔18 جون(اے پی پی)نائب وزیراعظم اَتے وزیر خارجہ سینیٹر محمد اسحاق ڈار اسلام آباد اچ ہک اجلاس دی اڳواݨی کیتی اتے انہاں ایران اَتے عراق اچ پھسیے پاکستانی شہریاں/زائرین کوں کݙھݨ بارے معاملیاں دا جائزہ ڳھدا۔ دفتر خارجہ ولوں جاری بیان دے مطابق، اجلاس اچ سیکرٹری خارجہ اَتے ٻئے حکام شرکت کیتی۔ نائب وزیراعظم کوں ایران اَتے عراق اچ پھسیے پاکستانی شہریاں/زائرین کوں کݙھݨ کیتے ہݨ تئیں تھیوݨ آلی اڳونہی اتے آندے ݙینہاں اچ انخلاء دے منصوبیاں بارے ڈسایا گیا۔ نائب وزیراعظم ایران اَتے عراق اچ پھسیے پاکستانی شہریاں/زائرین دے سوکھ کتیے اقدامات تے اطمینان کریندے ہدایت کیتی جو دفتر خارجہ ٻئے محکمیاں دے نال رل تے پاکستانی شہریاں دی وطن واپسی کوں تیکھا کرے اَتے انہاں لوکاں کوں ہر طرح دی مدد ݙیوے ڄیڑھے اڄاں وی ایران اَتے عراق اچ موجود ہن۔ نائب وزیراعظم اَتے وزیر خارجہ سینیٹر محمد اسحاق ڈار پاکستان انٹرنیشنل ایئرلائنز (پی آئی اے) کوں اے وی ہدایت کیتی جو او وزارت خارجہ نال رابطے ودھاوے تاں جو انخلاء دے منصوبیاں تے سہولت اَتے مؤثر طریقے نال عملدرآمد کیتا ونڄ سڳے۔
