اسلام آباد۔ 19 جون (اے پی پی) وزیراعظم ورلڈ بیسٹ سکول پرائزز 2025 اچ ترائے پاکستانی سکولاں کوں دنیا دے ٹاپ ٹین کمیونٹی تعاون نال چلݨ آلیاں سکولاں اچ ڄاہ بݨاوݨ تے خراج تحسین پیش کیتے۔وزیراعظم سنجن نگر پبلک ایجوکیشن ٹرسٹ ہائر سیکنڈری سکول لاہور، بیکن ہاؤس کالج پروگرام (جونیپر کیمپس) کوئٹہ اَتے نارڈک انٹرنیشنل سکول، لاہور کوں دنیا دے ٹاپ ٹین کمیونٹی تعاون نال چلݨ آلیاں سکولاں اچ ڄاہ بݨاوݨ تے انہاں سکولاں دی انتظامیہ، استاداں اَتے طالب علماں کوں خراج تحسین پیش کیتا۔خمیس کوں وزیراعظم آفس دے میڈیا ونگ توں جاری بیان موجب وزیراعظم آکھیا جو انہاں سکولاں جدید نصاب، تحقیق، ٹیکنالوجی، ماحولیات، پسماندہ اَتے دیہی علاقیاں دی ترقی بارے آپݨا ناں بݨائے، انہاں تعلیمی اداریاں ملک دا ناں پوری دنیا اچ روشن کیتے۔ انہاں آکھیا جو ایجھے تعلیمی ادارے اساں ساریاں کیتے مشعلِ راہ ہن، حکومت پاکستان ملک اچ جدید تعلیم دے ودھارے کیتے کوششاں کریندی پئی اے۔
