
اسلام آباد۔ 19 جون (اے پی پی) وزیر دفاع خواجہ محمد آصف آکھیا جو فیلڈ مارشل سید عاصم منیر اَتے امریکی صدر ڈونلڈ ٹرمپ دی ملاقات پاک امریکا تعلقات اچ ہک سنگ میل اے۔ ایں نال پاک بھارت تنازعہ دی بین الاقوامی حیثیت ولا اجاگر تھئی اے۔ خمیس کوں سوشل میڈیا ایکس تے آپݨی پوسٹ اچ انہاں آکھیا جو ایں توں پہلے امریکی صدر دی پاکستانی آرمی چیف دی دعوت اَتے ملاقات دی مثال نئیں ملدی، اے پاک امریکا تعلقات دی 78 سال دی تاریخ دا اہم موڑ اے۔ایں ملاقات اچ جینویں بین الاقوامی اَتے خطہ دے معاملات زیرِ بحث آئے ایں نال وطن عزیز دی اہمیت اجاگر تھئی۔ پاکستان معاملات کوں حل کرݨ اچ مدد کر سڳدے، ایں اہمیت کوں تسلیم کیتا ڳیا۔ پاک بھارت تنازعہ دی بین الاقوامی حیثیت ولا اجاگر تھئی۔وزیر دفاع آکھیا جو معیشت دی بحالی، ہندوستان دی شکست، امریکا دے نال تعلقات آبرومندانہ اَتے نہایت کامیاب بہتری، اے ساریاں انقلابی تبدیلیاں وزیراعظم شہباز شریف اَتے فیلڈ مارشل عاصم منیر دے تعاون نال اسلام آباد اَتے راولپنڈی دے بہترین تعلق نال ممکن تھین۔ اللہ اساں ساریاں کوں ذاتی تے گروہی مفادات توں اُتے تھی تے قوم دی خدمت کرݨ دی توفیق ݙیوے۔