کراچی۔ 19 جون (اے پی پی) وزیراعظم دے معاونِ خصوصی ڈیجیٹل میڈیا فہد ہارون اطالوی بحری جہاز آئی ٹی ایس انتونیو مارسیگلیا تے منعقدہ استقبالیہ اچ شرکت کیتی۔ میزبان کمانڈنگ آفیسر کیپٹن البرٹو بارٹولومیئو انہاں دا استقبال کیتا، ایں موقع تے پاکستان اچ اٹلی دی سفیر میرِلینا آرمیلن اَتے قونصل فیبریزیو بیئیلی وی موجود ہن۔ اے بحری جہاز 20 جون تئیں کراچی بندرگاہ تے لنگر انداز رہسی، جیں دا مقصد بحری سفارت کاری اَتے بین الاقوامی تعاون کوں ودھارا ݙیوݨا اے۔ تقریب اچ اعلیٰ فوجی حکام، سفارتی عملے دے ارکان، اَتے ممتاز کاروباری شخصیات شرکت کیتی۔ آئی ٹی ایس انتونیو مارسیگلیا تے منعقدہ اے پروقار تقریب پاکستان اَتے اٹلی وچال پراݨی دوستی، علاقائی امن، استحکام اَتے تعاون کیتے سانجھے عزم دا مظہر ہئی۔
