اسلام آباد۔ 19 جون (اے پی پی) وزیراعظم محمد شہباز شریف نال وفاقی وزیر مذہبی امور سردار محمد یوسف اَتے سیکرٹری مذہبی امور سید عطاء الرحمان خمیس کوں اتھاں ملاقات کیتی۔ وزیراعظم دفتر دے میڈیا ونگ توں جاری بیان موجب وزیراعظم اڄوکے سال حج دے انتظامات کامیابی نال منعقد کراوݨ تے وفاقی وزیر اَتے پوری وزارت مذہبی امور دی کارکردگی دی تعریف کیتی۔ وزیراعظم ایں سلسلے اچ وزیر مذہبی امور کوں انہاں دی بہترین کارکردگی تے اعزازی شیلڈ ݙتی۔ جدہ اچ تعینات ڈائریکٹر جنرل حج عبد الوہاب سومرو ملاقات اچ بذریعہ ویڈیو لنک شریک ہن۔
