اسلام آباد۔ 19 جون(اے پی پی)وفاقی وزیر دفاع خواجہ محمد آصف آکھیے جو آرمی چیف فیلڈ مارشل سید عاصم منیر دی امریکی صدر نال ملاقات سفارتی محاذ تے ٻہوں وݙی کامیابی اے۔ خمیس کوں پارلیمنٹ ہاؤس دے ٻاہرو صحافیاں نال ڳالھ مہاڑ کریندے آکھیا جو پاکستان کوں جنگ اچ کامیابی ملی اے جیںدے نال معیشت بہتر تھئی اے۔ انہاں آکھیا جو پہلی واری آرمی چیف نال اینڄھی خصوصی ملاقات کیتی قئی اے، ڄیڑھے بیانات آندے پین، ایندے نال لڳدے جو پاکستان فوجی، سفارتی اَتے معاشی میدان اچ ترقی دی منزلاں طے کریندا پئے۔ انہاں آکھیا جو سول اَتے ملٹری لیڈرشپ دے تعاون نال ملک ترقی کریندا پئے۔ انہاں آکھیا جو ایں توں پہلے امریکی صدر دی پاکستانی آرمی چیف کوں دعوت اَتے ملاقات دی مثال نئیں ملدی، اے تعلقات دی 78 سال دی تاریخ دا سبھ توں اہم موڑ اے، ایں ملاقات اچ جیویں بین الاقوامی اَتے خطے دے معاملات زیرِ بحث آئے ایں نال وطن عزیز دی اہمیت اجاگر تھئی، پاکستان معاملات کوں حل کرݨ اچ جیڑھی مدد کر سڳدے ایں اہمیت کوں منیا ڳئے، پاک بھارت تنازعہ دی ولا بین الاقوامی حیثیت اجاگر تھئی اے۔ انہاں آکھیا جو اے موجودہ حکمرانی دے ہائبرڈ ماڈل دی کامیابی اے، معیشت دی بحالی، ہندوستان دی شکست، امریکہ دے نال تعلقات آبرومندانہ اَتے نہایت کامیاب بہتری، اے ساریاں انقلابی تبدیلیاں وزیراعظم شہباز شریف اَتے فیلڈ مارشل عاصم منیر دے تعاون نال اسلام آباد اَتے راولپنڈی دے بہترین تعلق نال ممکن تھی سڳین۔ وزیر دفاع آکھیا جو ایران اساݙا برادر اسلامی ملک اے، ایران تے اوکھا ویلھا اے، باقی برادر اسلامی ملکاں اَتے ہمسایاں تے لازم اے جو ایں ویلھے ایرانی بھراواں دے نال کھڑن۔
