اسلام آباد۔ 19 جون(اے پی پی)وزیراعظم دے معاون خصوصی برائے سیاسی امور رانا ثناء اللہ وفاقی وزیر ریلوے محمد حنیف عباسی نال ہک اہم ملاقات کیتی۔ ملاقات اچ ریلوے کوں جدید، محفوظ اَتے فعال بݨاوݨ دے اقدامات تے تفصیلی ڳالھ مہاڑ کیتی ڳئی۔ وزیر ریلوے 9 ٹریناں آؤٹ سورس کرݨ اَتے مزید 11 دی تیاری دا ݙسایا۔ ریلوے سکولز و ہسپتالاں کوں وی آؤٹ سورس کرݨ دا فیصلہ کر ڳھدا ڳیا۔ محمد حنیف عباسی آکھیا جو راولپنڈی ریلوے سٹیشن تے معلوماتی ݙیسک قائم کر ݙتا ڳئے، مسافراں کوں بروقت اَتے درست معلومات فراہم کیتی ویندی پئی اے، آر ݙبلیو ایم سی دے نال معاہدے دے بعد سٹیشنز دی صفائی اچ نمایاں بہتری آئی اے، صفائی دے جدید نظام نال مسافراں کوں بہتر ماحول فراہم کیتا ڳیا، بوگیاں دی مرمت، نویاں کوچز دی خریداری اَتے جدید ٹریکنگ سسٹم تے کم جاری اے، مسافراں کیتے سہولتاں اچ خاطر خواہ وادھا کیتا ویندا پئے۔ رانا ثناء اللہ اقدامات دی تعریف کریندے حکومتی حمایت دا یقین ݙیوایا اَتے آکھیا جو ریلوے دی بہتری کیتے وزیراعظم آفس مکمل تعاون جاری رکھیسی۔
