اسلام آباد۔ 19 جون(اے پی پی)سپیکر قومی اسمبلی سردار ایاز صادق نال جے یو آئی دے سربراہ مولانا فضل الرحمن خمیس کوں ملین۔ انہاں ملکی سیاسی صورتحال اَتے وفاقی بجٹ دے حوالے نال صورتحال تے ڳالھ مہاڑ کیتی۔ ملاقات اچ مولانا فضل الرحمن ایران اسرائیل جنگ تے چنتا کریندے آکھیا جو موجودہ حالات اچ امت مسلمہ کوں اتحاد و یکجہتی ݙکھاوݨی ہوسی۔ سپیکر سردار ایاز صادق آکھیا جو پاکستان اسرائیلی جارحیت دی کھل تے مذمت کیتی اے، پاکستان ایران نال کھڑے، پاکستان فلسطین اَتے ایران دے حوالے نال موقف موثر انداز اچ دنیا دے سامݨے پیش کیتے۔ مولانا فضل الرحمن سپیکر قومی اسمبلی کوں حج دی مبارکباد وی ݙتی۔ سپیکر قومی اسمبلی نال ملاقات اچ گورنر بلوچستان جعفر خان مندو خیل وی موجود ہن۔
