اسلام آباد۔ 20 جون (اے پی پی) نائب وزیراعظم اتے وزیر خارجہ سینیٹر محمد اسحاق ڈار نے پاکستان سٹیل ملز دے مقام تے کراچی انڈسٹریل پارک دے قیام دیاں تجاویز دا جائزہ گھنݨ کیتے قائم کمیٹی دے اجلاس دی صدارت کیتی۔ جمعہ کوں نائب وزیر اعظم دے آفس توں جاری بیان موجب اجلاس وچ نیشنل فوڈ سکیورٹی دے وزیر، وزیراعظم دے معاون خصوصی طارق باجوہ دے علاوہ سپیشل انویسٹمنٹ فیسلیٹیشن کونسل (ایس آئی ایف سی)، وزارت صنعت اتے بورڈ آف انویسٹمنٹ دے سینئر حکام شرکت کیتی۔ اجلاس وچ سائٹ کوں ہک جدید صنعتی مرکز اچ تبدیل کرݨ تے غور کیتا ڳیا۔ نائب وزیراعظم صنعتی پارکس دے قیام تے کم تیز کرݨ دی لوڑھ تے زور ݙتا اتے مقامی اتے غیر ملکی سرمایہ کاری کوں فروغ ݙیوݨ کیتے انہاں کوں بین الاقوامی معیار دے مطابق ٻݨاوݨ دی اہمیت کوں اجاگر کیتا۔ انہاں برآمدات تے مرکوز صنعتی ترقی کوں فروغ ݙیوݨ اتے پورے ملک اچ کاروبار کیتے سازگار ماحول کوں فروغ ݙیوݨ دے حکومت دے پختہ عزم دا اعادہ کیتا۔
