اسلام آباد۔ 20 جون (اے پی پی ( وزیر اعظم محمد شہباز شریف پی این ایس سی دے بیڑے وچ ودھارے کیتے لیز تے بحری جہاز گھنݨ دی ہدایت کریندیں ہوئیں آکھیا ہے جو ݙو ہفتے وچ پی این ایس سی دا بزنس پلان پیش کیتا ونڄے جئیں وچ قومی خزانے توں سالانہ 4 بلین ڈالر دا بوجھ مکاوݨ دا لائحہ عمل شامل ہووے۔ جمعہ کوں وزیر اعظم آفس دے میڈیا ونگ توں جاری بیان موجب وزیراعظم محمد شہباز شریف دی صدارت پاکستان نیشنل شپنگ کارپوریشن دے امور تے جائزہ اجلاس تھیا۔ وزیراعظم پی این ایس سی دے بیڑے وچ ودھارے کیتے لیز تے بحری جہاز گھنݨ دی ہدایت کریندیں ہوئیں آکھیا جو پی این ایس سی دے بیڑے وچ بحری جہاز گھٹ ہووݨ پاروں سمندر دے رستے تجارت تے قومی خزانے توں سالانہ 4 بلین ڈالر دا قیمتی زر مبادلہ خرچ کرݨا پوندے۔ وزیراعظم ہدایت کیتی جو ݙو ہفتے دے اندر اندر پی این ایس سی دا بزنس پلان پیش کیتا ونڄے جئیں وچ قومی خزانے توں سالانہ 4 بلین ڈالر دا بوجھ مکاوݨ دا لائحہ عمل شامل ہووے۔وزیر اعظم کوں پی این ایس سی دی کارکردگی تے بریفنگ وچ ݙسایا ڳیا جو ادارے دے کول مختلف نوعیت دے ݙاہ بحری جہاز ہن، جو 724,643 ٹن کارگو گھن ونڄݨ دی صلاحیت رکھیندن۔ اجلاس وچ وفاقی وزیر اقتصادی امور احد خان چیمہ، وفاقی وزیر بحری امور جنید انور چوہدری اتے پی این ایس سی دے اعلیٰ حکام وی شریک ہن۔
