اسلام آباد۔ 21 جون (اے پی پی) وفاقی وزیر داخلہ محسن نقوی صوابی اچ پولیس اہلکاراں تے فائرنگ دے واقعہ دی مذمت کریندے ہوئیں ݙو پولیس اہلکاراں دی شہادت تے لواحقین نال دلی ہمدردی و تعزیت کیتی اے۔ وزارت داخلہ دی طرفوں جاری بیان اچ وزیر داخلہ محسن نقوی فائرنگ نال شہید تھیوݨ آلے ݙو پولیس اہلکاراں جمال الدین اَتے زاہد کوں خراج عقیدت پیش کیتا۔وزیر داخلہ محسن نقوی شہید پولیس اہلکاراں دے لواحقین نال دلی ہمدردی و تعزیت دا اظہار کیتا اَتے آکھیا جو شہید پولیس اہلکاراں جمال الدین اَتے زاہد دے لواحقین دے ݙکھ اچ برابر دے شریک ہن۔ محسن نقوی آکھیا جو پولیس اہلکاراں شہادت دا اعلیٰ مرتبہ پاتے۔ دہشت گردی دے خلاف جنگ اچ خیبر پختونخوا پولیس دے بہادر پتراں بے پناہ قربانیاں ݙتن۔ محسن نقوی آکھیے جو خیبر پختونخوا پولیس دیاں عظیم قربانیاں کوں سلام پیش کریندوں۔ انہاں آکھیے جو شہید پولیس اہلکاراں دی قربانیاں ضائع نہ ویسن۔
