اسلام آباد۔ 21 جون (اے پی پی) وفاقی وزیر بحری امور محمد جنید انوار چوہدری آکھیے جو ماحولیاتی تبدیلی دے خطرے نال نبݨݨ کیتے بندرگاہی ہسپتالاں اچ بنیادی اصلاحات ناگزیر ہن، صحت دے بنیادی ڈھانچے کوں عالمی معیار موجب ݙھالیا ویسی۔ جاری بیان اچ انہاں آکھیے جو بندرگاہواں دے ہسپتالاں اچ ماحولیاتی تبدیلیاں نال ہم آہنگ جدید صحت نظام متعارف کراوݨ دے منصوبے دے تحت کے پی ٹی، پورٹ قاسم اَتے گوادر دے ہسپتالاں اچ ماحولیاتی تحفظ دے اقدامات کریسوں، ہسپتالاں اچ ایمرجنسی رسپانس اَتے ڈیجیٹل نظام کوں ودھاڑا ݙتا ویسی۔جنید انوار چوہدری آکھیے جو صحت دے بنیادی ڈھانچے کوں عالمی معیار موجب ڈھالیا ویسی، ماحولیاتی تبدیلی دے خطریں نال نبݨݨ کیتے بندرگاہی ہسپتالاں اچ بنیادی اصلاحات ناگزیر ہن۔ جنید انوار چوہدری آکھیے جو سمندری حادثیں اَتے وبائی امراض دے مقابلے کیتے جدید طبی سہولتاں ݙتیاں ویسن، بندرگاہواں تے کم کرݨ آلے مزدوراں اَتے ماہی گیر برادری دی صحت اساݙی اولین ترجیح اے۔
