سیالکوٹ۔ 22 جون (اے پی پی) وزیر دفاع خواجہ محمد آصف اپݨی رہائش گاہ تے علاقے دے معززین نال ملاقات کیتی تے انہاں دے مسئلے سُݨ تے انہاں کوں حل کرݨ دا یقین ݙیوائے ۔ اپݨی رہائش گاہ سیالکوٹ کینٹ اچ علاقے دے معززین نال ڳالھ مہاڑ کریندے انہاں آکھیے جو پاکستان مسلم لیگ (ن) جݙݨ وی اقتدار اچ آئی اے، ایویں عوامی مسئلے حل کیتن، تے اساں ہݨ وی عوامی مسئلیں دے حل کیتے کوشاں ہیسے، ایں ضمن اچ کوئی کسر نہ چھوڑی ویسی، کیوں جو عوامی مسئلیں کوں ترجیحی بنیاداں تے حل کرݨ اساݙا مقصد اے۔ انہاں آکھیا جو اساں شہر اقبال دی تعمیر و ترقی کیتے کوشاں ہیسے تے عوامی خدمت دا اے سفر ایویں جاری و ساری راہسی۔ انہاں ملاقات کیتے آوݨ آلے معززین دا شکریہ وی ادا کیتا۔
