اسلام آباد۔ 25 جون (اے پی پی) صدر مملکت آصف علی زرداری نال آزاد جموں و کشمیر دے سابق وزیراعظم سردار تنویر الیاس، مشیر جیل خانہ جات حکومت آزاد کشمیر سردار احمد صغیر، ایم ایل اے علی شان سونی اَتے سردار عمر تنویر تے مشتمل وفد کراچی اچ ملاقات کیتی۔ ایوان صدر دے پریس ونگ توں جاری بیان موجب ملاقات اچ وفد پاکستان پیپلز پارٹی اچ رَلݨ دا اعلان کیتا ۔ صدر مملکت وفد دا خیرمقدم کیتا اَتے انہاں کوں پارٹی اچ رَلݨ تے مبارخ ݙتی۔ ایں موقع تے صدر آصف علی زرداری دی بھیݨ، پیپلز پارٹی خواتین ونگ دی صدر اَتے ایم پی اے فریال تالپور، گورنر پنجاب سردار سلیم حیدر، پیپلز پارٹی دے سینئررہنما سلیم مانڈوی والا، سابق صدر آزاد کشمیر سردار محمد یعقوب خان، فیصل ممتاز راٹھور، چوہدری محمد ریاض اَتے سردار ضیاء القمر، وزیر داخلہ سندھ ضیاءالحسن لنجار، صوبائی وزیر حاجی علی حسن زرداری اَتے ایم پی اے سہیل انور سیال وی موجود ہن۔ شرکاء ملکی سیاسی و معاشی صورتحال تے تفصیلی ڳالھ مہاڑ کیتی اَتے قومی مفاہمت، اتحاد اَتے عوامی مسئلیں دے حل کیتے موثر حکمت عملی اپناوݨ دی لوڑھ تے زور ݙتا۔
