اسلام آباد۔ 26 جون (اے پی پی) وفاقی وزیر انفارمیشن ٹیکنالوجی و ٹیلی کمیونیکیشن شزا فاطمہ خواجہ آکھیے جو سیٹلائٹ انٹرنیٹ ݙیوݨ کوں ممکن بݨا تے پاکستان دے ہر شہری تئیں ایں دی رسائی یقینی بݨائی ونڄ سڳدی اے ، ڈیجیٹل معیشت، ڈیجیٹل سوسائٹی اَتے ڈیجیٹل گورننس کیتے ڈیجیٹل نیشن ایکٹ دی منظوری سنگ میل اے۔ اے ڳالھ انہاں انڈسٹری گول میز کانفرنس نال خطاب کریندے آکھی۔انہاں آکھیا جو اے کانفرنس مستقبل دی ڈیجیٹل پالیسیاں دی بنیاد رکھݨ آلی مشاورت اے، انٹرنیٹ ہݨ صرف سہولت کائںی بلکہ ہک لائف لائن اَتے قومی ترقی دا بنیادی جزو اے۔ انہاں آکھیا جو ایس سی او اَتے یو ایس ایف جیڑھے ادارے پرے دے علاقیں تئیں انٹرنیٹ دی فراہمی اچ کلیدی کردار ادا کریندے پئن۔شزا فاطمہ خواجہ آکھیے جو سیٹلائٹ دے ذریعے انٹرنیٹ دی فراہمی کوں ممکن بݨا تے پاکستان دے ہر شہری تئیں رسائی یقینی بݨائی ون٘ڄ سڳدی اے، ڈیجیٹل معیشت، ڈیجیٹل سوسائٹی اَتے ڈیجیٹل گورننس کیتے ڈیجیٹل نیشن ایکٹ دی منظوری سنگ میل اے، وزیراعظم شہباز شریف دا ویژن ڈیجیٹل پاکستان دی تشکیل اے، سارے اسٹیک ہولڈرز دے نال رَل تے عملی اقدامات چاتے، وزیراعظم ہر ہفتے کیش لیس اکانومی تے ٹاسک فورس اجلاس دی صدارت کریندن۔ انہاں آکھیا جو ڈیجیٹل ترقی دا خواب اوں ویلھے ہی پورا تھیسی جݙاں ہر شہری کنے قابلِ اعتماد اَتے مستحکم انٹرنیٹ دستیاب ہوسی، متحدہ حکمتِ عملی دے تحت انویسٹر میپنگ دے نال اشتراک ویلھے دی اہم لوڑھ اے، سرمایہ کاراں دے اعتماد کیتے فیڈ بیک لوپس مکمل اَتے تکھی رفتار طریقہ کار مؤثر ہووݨے چاہیدن، عوامی آگاہی اَتے صلاحیتاں دی تعمیر تے وی مکمل توجہ ݙیوݨی ہوسی۔
