اسلام آباد۔ 27 جون (اے پی پی) وزیراعظم محمد شہباز شریف آکھیا اے جو اساں ساریاں نے رَل تے پاکستان دی معاشی ترقی کیتے ݙین٘ہ رات محنت کرݨی اے، ساریاں اتحادی جماعتاں دے شکر گزار ہن جنہاں دی مشاورت نال عوامی امنگاں دی ترجمانی کرݨ آلا بجٹ ٻݨایا، اتحادی جماعتاں بجٹ دی منظوری اچ اہم کردار ادا کیتا جئیں تے انہاں دے شکر گزار ہن۔وزیراعظم آفس دے میڈیا ونگ توں جاری بیان موجب وزیراعظم محمد شہباز شریف بجٹ 2025 دی منظوری دے بعد ارکان سینیٹ تے قومی اسمبلی نال ملاقات کیتی۔ ایں موقع تے وزیراعظم آکھیا جو عوام دوست بجٹ بݨاوݨ کیتے معاشی ٹیم ݙٰنھ رات محنت کیتی۔ وزیراعظم ارکان قومی اسمبلی نال ڳالھ مہاڑ کریندیں ہوئیں آکھیا جو ساریاں اتحادی جماعتاں دے شکر گزار ہن جنہاں دی مشاورت نال عوامی امنگاں دی ترجمانی کرݨ آلا بجٹ ٻݨایا ڳئیا، اتحادی جماعتاں بجٹ دی منظوری اچ اہم کردار ادا کیتا جنہاں تے انہاں دے شکر گزار ہن۔وزیراعظم آکھیا جو ہݨ اساں ساریاں کوں رَل تے پاکستان دی معاشی ترقی کیتے ݙین٘ھ رات محنت کرݨی اے، میݙا یقین محکم اے جو ایہو مثالی اتحاد پاکستان دی معاشی ترقی کوں یقینی بݨیسی، پاکستان تے بھارت دی حالیہ بلا جواز جارحیت اچ اللہ رب العزت اساکوں شاندار جت ݙتی۔ وزیراعظم آکھیا جو افواج پاکستان، پوری سیاسی قیادت، عوام، سول سوسائٹی اَتے میڈیا یکجہتی نال دشمن دے ناپاک عزائم کوں خاک اچ ملایا، پاکستان دی فتح نال اقوام عالم اچ پاکستان دا وقار بلند تھیا۔ وزیراعظم آکھیا جو چیئرمین پاکستان پیپلز پارٹی بلاول بھٹو زرداری دی قیادت اچ سفارتی وفد پاکستان دا مؤقف واضح کیتا اَتے بھارت دے پاکستان بارے ناپاک عزائم کوں دنیا دے سامݨے بے نقاب کیتا، نہ صرف سفارتی وفد کوں بین الاقوامی سطح تے پذیرائی ملی بلکہ سمندر پار پاکستانیاں وفد دا شاندار استقبال کیتا اَتے پاکستان دی سفارتی اَتے فوجی فتح تے حکومت اَتے افواج پاکستان کوں بھرپور خراج تحسین پیش کیتا۔وزیراعظم آکھیا جو ایران تے اڄوکی اسرائیلی جارحیت اچ پاکستان ایرانی حکومت تے برادر عوام دے نال ہر سطح تے یکجہتی دا اظہار کیتا، جنگ اچ ایرانی قیادت بالخصوص صدر ڈاکٹر مسعود پزیشکیان دے نال مکمل رابطے اچ ہا۔ وزیر اعظم آکھیا جو اسرائیل ایران تنازعے دے حل نال خطے اچ امن و خوشحالی دے دروازے کھلسن۔ چیئرمین سینیٹ، وفاقی کابینہ، سینیٹ اَتے قومی اسمبلی دے ارکان دی وݙی تعداد اجلاس اچ شرکت کیتی۔
