اسلام آباد۔ 27 جون (اے پی پی) وزیراعظم محمد شہباز شریف نے دریائے سوات اچ خوازہ خیلہ دے مقام تے سیلابی ریلے اچ سیاحاں دے جاں بحق تھیوݨ ݙکھ اَتے افسوس کیتے۔ جمعه کوں وزیراعظم آفس دے میڈیا ونگ توں جاری بیان موجب وزیراعظم جاں بحق تھیوݨ آلیاں دی مغفرت اَتے انہاں دے اہل خانہ کیتے صبر دی دعا کیتی۔ وزیراعظم واقعے اچ لاپتہ بندیاں کوں جلدی لبھݨ اَتے این ڈی ایم اے، انتظامیہ تے ریسکیو اداریاں کوں دریاواں تے ندی نالیاں دے نیڑے حفاظتی تدابیر ٻئی مربوط بݨاوݨ دی ہدایت کیتی۔ وزیراعظم سوات اچ سیلابی ریلے اچ پھتے سیاحاں کوں ریسکیو کرݨ تے این ڈی ایم اے، انتظامیہ تے ریسکیو حکام دیاں کوششاں کوں سراہیا۔
