اسلام آباد۔ 27 جون (اے پی پی) چیئرمین سینیٹ سید یوسف رضا گیلانی سوات اچ سیلابی ریلے اچ قیمتی جانی ضیان تے ݙکھ اَتے افسوس کیتا۔ جمعه کوں سینیٹ سیکرٹریٹ توں جاری اعلامیہ موجب سید یوسف رضا گیلانی جاں بحق تھیوݨ آلیاں دے لواحقین نال دلی تعزیت کریندیں ہوئیں آکھیا جو ݙکھ ایں گھڑی اچ اساں متاثرہ ٹبراں نال ہیسے۔ انہاں مرحومین کیتے مغفرت، بلندی درجات اَتے پسماندگان کیتے صبر جمیل دی دعا کیتی۔ چیئرمین سینیٹ آکھیا جو لاپتہ تھیوݨ آلیاں دی ڳول کیتے سارے دستیاب وسائل استعمال کیتے ون٘ڄن۔ ایجھے سانحات اچ ریاستی اداریاں دی ویلھے تے اَتے مؤثر کارروائی متاثرین کیتے امید دی کِرن ثابت تھیندی اے۔
