اسلام آباد۔ 27 جون (اے پی پی) صدر مملکت آصف علی زرداری سوات اچ سیلابی ریلے پاروں تھیوݨ آلے قیمتی انسانی جاناں دے ضیان تے ݙکھ تے افسوس کیتا۔ ایوان صدر دے پریس ونگ توں جمعه کوں جاری بیان اچ صدر مملکت جاں بحق تھیوݨ آلیاں دے لواحقین نال دلی ہمدردی اَتے تعزیت کیتی اَتے آکھیا جو ݙکھ دی ایں گھڑی اچ متاثرہ ٹبراں دے نال برابر دے شریک ہن۔ صدر مملکت آکھیا جو اللہ تعالیٰ توں دعا اے جو او جاں بحق تھیوݨ آلیاں کوں جوارِ رحمت اچ جاہ ݙیوے اَتے پسماندگان کوں صبر جمیل عطا فرماوے۔
