اسلام آباد۔ 27 جون (اے پی پی) نائب وزیراعظم اَتے وزیر خارجہ سینیٹر محمد اسحاق ڈار کھاوݨ پیوݨ دیاں چیزاں خاص طور تے کھنڈ دیاں قیمتاں اَتے سپلائی دا جائزہ گھنݨ کیتے اتھاں ہک فالو اپ اجلاس دی صدارت کیتی۔ نائب وزیراعظم دے دفتر توں جاری بیان موجب، اجلاس اچ نیشنل فوڈ سکیورٹی دے وزیر، وزیراعظم دے معاون خصوصی طارق باجوہ، فوڈ سکیورٹی و صنعتاں دے سیکریٹریز اَتے ݙوجھے سینئر سرکاری افسراں شرکت کیتی۔ کمیٹی کھنڈ دے شعبے دے اہم پہلواں دا جائزہ ڳھدا جنہاں اچ ملکی پیداوار، درآمدی ضرورتاں، سپلائی چین دی کارکردگی اَتے مارکیٹ اچ دستیابی شامل ہن۔ کمیٹی 0.5 ملین ٹن کھنڈ دی درآمد دی اصولی منظوری دا وی فیصلہ کیتا۔ نائب وزیراعظم اَتے وزیر خارجہ صارفین اَتے سپلائرز ݙوہیں دے مفادات دے تحفظ کیتے حکومت دے عزم دا اعادہ کیتا اَتے آکھیے جو ایں ڳالھ کوں یقینی بݨایا ویسی جو ضروری چیزاں سستیاں اَتے قابل رسائی رہن۔
