لاہور۔ 27 جون (اے پی پی) وزیراطلاعات پنجاب عظمیٰ بخاری سوات اچ سیاحواں دے پاݨی اچ ٻݙݨ دے واقعے تے ݙکھ تے افسوس کیتے ۔ اپݨے ہک تعزیتی بیان اچ انہاں ڈکھی خانداناں نال ہمدردی تے تعزیت کریندے آکھیے جو دریائے سوات اچ سیاحواں دے ٻڈݨ نال کے پی حکومت دی غفلت سامݨے آڳئی، پاݨی اچ وَہݨ آلے سیاح ݙو گھنٹے امداد دے منتظر رہیے۔ انہاں آکھیے جو کے پی حکومت سیاحواں دی مدد کوں پڄی نہ گنڈاپور دا ہیلی کاپٹر پڄ سڳیا۔ خیبرپختونخوا دے وسائل، مشینری اَتے ریسکیو ٹیماں صرف وفاق اَتے پنجاب تے چڑھائی سانڳے ہن۔
