اسلام آباد۔ 27 جون (اے پی پی) نائب وزیراعظم اَتے وزیر خارجہ سینیٹر محمد اسحاق ڈار نال پاکستان اچ برطانوی ہائی کمشنر جین میریٹ اسلام آباد اچ ملاقات کیتی۔ ترجمان دفتر خارجہ موجب ، ملاقات دے دوران انہاں مختلف شعبیں اچ ݙو طرفہ تعاون، علاقائی اَتے بین الاقوامی پیش رفت اَتے آوݨ آلیاں کثیر الجہتی مصروفیات سودھے جولائی اچ اقوام متحدہ دی سلامتی کونسل دی پاکستان دی صدارت تے ڳالھ مہاڑ کیتی۔
