اسلام آباد۔ 28 جون (اے پی پی) نائب صدر پیپلز پارٹی سینیٹر شیری رحمان آکھیے جو پرمننٹ کورٹ آف آربیٹریشن دا فیصلہ پاکستان دے مؤقف دی جِت اے، بھارت سندھ طاس معاہدے کوں معطل نئیں کرسڳدا، عالمی عدالت دے فیصلے مودی سرکار کوں آئینہ ݙِکھا ݙتا، ثالثی عدالت دا کردار محدود کرݨ دی بھارتی کوشش ناکام تھی ڳئی۔ اپݨے بیان اچ نائب صدر پیپلز پارٹی سینیٹر شیری رحمان سندھ طاس معاہدے دے حوالے نال پرمننٹ کورٹ آف آربٹریشن دا فیصلہ خوش آئند قرار ݙیندے آکھیے جو پرمننٹ کورٹ آف آربیٹریشن دا فیصلہ پاکستان دے مؤقف دی جِت اے۔ انہاں آکھیا جو بھارت سندھ طاس معاہدے کوں معطل نئیں کرسڳدا، عالمی عدالت دے فیصلے مودی سرکار کوں آئینہ ݙِکھیندے بھارت دی یکطرفہ ہٹ دھرمی کوں غیرقانونی قرار ݙے ݙتے۔شیری رحمان مزید آکھیا جو ثالثی عدالت دا کردار محدود کرݨ دی بھارتی کوشش ناکام تھی ڳئی، عالمی عدالت دے فیصلے اچ واضح آکھیا ڳئے جو بھارت کوں معاہدہ کلھیں ختم کرݨ دا کوئی حق حاصل کائنی ۔ انہاں آکھیا جو سندھ طاس معاہدہ قائم رہسی۔ شیری رحمان آکھیے جو عالمی عدالت دے فیصلے ثابت کر ݙتا جو بھارت طاقت دے زور تے بین الاقوامی معاہدیں کوں روند نی سڳدا، ثالثی عدالت دا تسلسل پاکستان دے حق اچ انصاف دی علامت اے، بھارت کوں ہݨ عالمی قوانین دا احترام کرݨا ہوسی۔
