اسلام آباد۔ 28 جون(اے پی پی) نائب وزیراعظم/وزیرخارجہ سینیٹر محمد اسحاق ڈار عوام تے غیر ضروری ٻوجھ پاوݨ توں بغیر مالیاتی نظم و ضبط کوں برقرار رکھݨ کیتے متوازن فیصلے کرݨ دے حکومتی عزم تے زور ݙتے۔ اے ڳالھ انہاں پاور سیکٹر متعلق معاملات دا جائزہ گھنݨ کیتے ہک اجلاس دی صدارت اچ آکھی۔نائب وزیراعظم دفتر توں جاری اعلامیہ موجب اجلاس اچ پاور اَتے پٹرولیم دے وزرا، ایس اے پی ایم طارق باجوہ، سیکریٹری پاور اَتے وزارت خزانہ اَتے پاور دے سینئر حکام شرکت کیتی۔ ایں موقع تے مالیاتی استحکام اَتے صارفین دے تحفظ تے زور ݙیوݨ دے نال پاور سیکٹر دے اہم پہلواں دا وی جائزہ گھدا ڳئے۔
