اسلام آباد۔ 28 جون (اے پی پی) وزیراعظم محمد شہباز شریف پاکستانی معیشت اچ استحکام دے حوالے نال بلوم برگ دی رپورٹ تے اطمینان دا اظہار کریندے آکھیے جو پاکستان اپݨے تکڑےمعاشی مستقبل دے پاسے تکھے ٹردا پئے، بہتر معاشی اشاریں اچ حکومت دی معاشی ٹیم دی ݙینھ رات دی محنت اَتے لڳن شامل اے۔وزیراعظم دفتر دے میڈیا ونگ توں جاری بیان موجب وزیراعظم آکھیے جو رپورٹ اچ مختلف شعبیں اچ اہم ادارہ جاتی اصلاحات، عالمی مالیاتی ادارے دے نال کامیاب معاہدے اَتے وختی قرض دی ادائیگی دا اعتراف کیتا ڳئے جیڑھا جو یقینی طور تے ملکی معاشی صورتحال اچ بہتری دا ثبوت اے، پاکستان انہاں کجھ ملکاں اچ شامل اے جنہاں بلوم برگ دی رپورٹ موجب گزریل 12 مہینے اچ معیشت اچ ساریں توں ودھ بہتری ݙِکھائی۔ وزیراعظم شہباز شریف آکھیا جو پاکستان اپݨے مضبوط معاشی مستقبل دے پاسے تکھے ٹردا پئے ، بہتر معاشی اشاریں اچ حکومت دی معاشی ٹیم دی ݙینھ رات دی محنت اَتے لڳن شامل اے۔
