اسلام آباد۔29 جون (اے پی پی) وفاقی وزیر داخلہ محسن نقوی بلوچستان دے علاقے دکی اچ فتنہ الہندوستان دے دہشت گرداں دے خلاف کامیاب آپریشن تے سکیورٹی فورسز کوں خراج تحسین پیش کیتا اَتے سکیورٹی فورسز دی پیشہ ورانہ صلاحیتاں دی تعریف کیتی۔وزارت داخلہ توں جاری بیان اچ وفاقی وزیر داخلہ محسن نقوی فتنہ الہندوستان دے 2 دہشت گرداں کوں جہنم واصل کرݨ تے سکیورٹی فورسز دی پیشہ ورانہ صلاحیتاں دی تعریف کیتی، انہاں آکھیا جو فتنہ الہندوستان دے دہشت گرداں دے خلاف کامیاب آپریشن تے سکیورٹی فورسز دے جواناں کوں سلام پیش کریندوں۔ محسن نقوی آکھیا جو فتنہ الہندوستان دے دہشت گرداں کوں ہر قیمت تے مکیسوں۔ انہاں آکھیا جو قوم فتنہ الہندوستان دے دہشت گرداں کوں مکاوݨ سانڳے سکیورٹی فورسز دے رلے کھڑی اے۔
