اسلام آباد۔ 29 جون (اے پی پی) وزیراعظم محمد شہباز شریف صوبہ بلوچستان دے ضلع دکی اچ بھارتی حمایت یافتہ دہشت گرد تنظیم فتنہ الہندوستان دے خلاف سکیورٹی فورسز دی کامیاب کارروائی دی تےتعریف کیتی اے۔وزیراعظم آپریشن اچ تنظیم دے ݙو دہشت گرداں دی ہلاکت تے فورسز دی بہادری اَتے پیشہ ورانہ مہارت دی تعریف کیتی۔ انہاں آکھیے جو سکیورٹی فورسز ملک توں دہشت گردی مکاوݨ سانڳے سیسہ پلائی دیوار وانڳوں کھڑی اے تے قوم کوں انہاں دیاں قربانیاں تے ماݨ اے ۔ وزیراعظم ایں عزم دا اعادہ کیتا جو پاکستان توں ہر قسم دی دہشت گردی دا مکمل صفایا کیتا ویسی اَتے امن و امان دی بحالی کیتے سارے وسائل استعمال کیتے ویسن۔
