اسلام آباد۔ 30 جون (اے پی پی) سپیکر قومی اسمبلی سردار ایاز صادق آکھیا جو بلوچستان دی تعمیر تے ترقی اڄوکی حکومت دی پہلی ترجیحات وچ شامل اے، بلوچستان اہم صوبہ ہے، ملکی ترقی ایں صوبے دی ترقی نال مشروط اے۔ قومی اسمبلی سیکرٹریٹ دے مطابق اے ڳالھیں انہاں سپیکر بلوچستان اسمبلی کیپٹن (ر) عبدالخالق خان اچکزئی نال گالھ مہاڑ کریندیں ہوئیں کیتا جئیں سنوار کوں اسلام آباد وچ انہاں نال ملاقات کیتی۔ ملاقات وچ ملک دی مجموعی سیاسی تے اقتصادی صورتحال اَتے آپسی دلچسپی دے معاملیاں تے گالھ مہاڑ تھئی۔ سپیکر قومی اسمبلی آکھیا جو ملک دےمسئلیاں دے حل کیتے وفاق اَتے سارے صوبیاں وچ قریبی رابطے ضروری ہن۔ انہاں بلوچستان اسمبلی دے اراکین اَتے عملے دی استعداد کار ودھاوݨ کیتے قومی اسمبلی سیکرٹریٹ ولوں ہر ممکن تعاون دا یقین ݙوایا۔ ایں موقع تے سپیکر بلوچستان اسمبلی کیپٹن (ر) عبدالخالق خان اچکزئی آکھیا جو قومی اَتے بلوچستان اسمبلی دے اراکین وچ ہم آہنگی ودھاوݨ کیتے آپس دے رابطیاں وچ وادھا ضروری اے۔ انہاں ٻیا آکھیا جو ملک دے چیلنجز نال نبڑݨ کیتے قومی یکجہتی اَتے اتحاد ضروری اے۔
