اسلام آباد۔ 1 جولائی (اے پی پی) پاکستان جولائی 2025 کیتے اقوام متحدہ دی سلامتی کونسل دی صدارت سنبھال ڳِھدی اے۔ ترجمان دفتر خارجہ ولوں منگل کوں جاری بیان موجب پاکستان ایں ذمہ داری کوں ڳھاٹے مقصد، عاجزی اتے یقین نال نبھیندا پئے۔ ترجمان آکھیا جو اساݙا نقطہ نظر اقوام متحدہ دے چارٹر دے مقصداں اتے اصولاں، بین الاقوامی قانون دے احترام اتے کثیرالجہتی کیتے ثابت قدمی نال جُڑیا رہسی، ہک ایجھے ملک دے طور تے جئیں مستقل طور تے گالھ مہاڑ اتے سفارت کاری دی وکالت کیتی اے۔ترجمان موجب پاکستان سلامتی کونسل اچ ہک بامقصد، اصولی اتے متوازن نقطہ نظر پیش کریندے جو اوں دی خارجہ پالیسی، کونسل وچ ماضی دے تجربے اتے بین الاقوامی امن تے سلامتی دی بحالی وچ اوندے دیرینہ تعاون بشمول اقوام متحدہ دے قیام امن اتے قیام امن دیاں کوششاں دے ذریعے اے۔ بیان اچ ٻیا آکھیا ڳیا جو جولائی کیتے کونسل دے کم دے پروگرام دی تیاری وچ پاکستان ہک شفاف، متوازن اتے مشاورتی نقطہ نظر اپنائے۔ انہاں آکھیا جو اساں مشرق وسطیٰ، جنوبی ایشیا، افریقہ، یورپ، لاطینی امریکہ اتے ݙوجھے خطیاں وچ بین الاقوامی امن اتے سلامتی کوں پیش کئی آپس وچ جُڑے چیلنجز توں واقف ہِیں۔ اِنہاں بحراناں دی بے پناہ انسانی قیمت دا تقاضا اے جو سلامتی کونسل جوابدہ، قابل اعتماد اتے مؤثر تھیوے۔ بیان موجب پاکستان آپݨے دور صدارت اچ ٹھوس اتے عمل تے مبنی گالھ مہاڑ کوں فروغ ݙیسی، ایجنڈے دے ساریاں آئٹماں وچ جامع شمولیت کوں یقینی بݨایا ویسی اتے تعمیری مکالمے کوں فروغ ݙتا ویسی۔ بیان موجب پاکستان سلامتی کونسل اتے اقوام متحدہ دی وݙی رکنیت وچال ہک پُل دے طور تے کم کرݨ کیتے پُرعزم اے، ایں یقین نال رہنمائی کریندے جو بین الاقوامی امن اتے سلامتی کوں برقرار رکھݨ ہک سانجھی ذمہ داری اے۔ ترجمان آکھیا جو پاکستان آپݨے دور صدارت اچ ٹھوس اتے عمل تے مبنی گالھ مہاڑ کوں فروغ ݙیسی۔ ایجنڈے دے ساریاں آئٹماں وچ جامع شمولیت کوں یقینی بݨایا ویسی اتے تعمیری مکالمے کوں فروغ ݙتا ویسی۔ پاکستان سلامتی کونسل اتے اقوام متحدہ دی وݙی رکنیت وچال ہک پُل دے طور تے کم کرݨ کیتے پُرعزم اے، اتے بین الاقوامی امن اتے سلامتی کوں برقرار رکھݨ ہک سانجھی ذمہ داری اے۔کونسل جولائی وچال ݙو اعلیٰ سطحی دستخطی پروگراماں دا انعقاد کریسی: “کثیر الجہتی دے ذریعے بین الاقوامی امن اتے سلامتی کوں فروغ ݙیوݨ اتے تنازعات دے پرامن حل” تے ہک کھلی بحث جو 22 جولائی کوں تھیسی۔ “اقوام متحدہ اتے علاقائی اتے ذیلی علاقائی تنظیماں وچال تعاون: اسلامی تعاون دی تنظیم” بارے وچ ہک بریفنگ 24 جولائی کوں شیڈول اے۔ ݙوہاں اجلاساں دی صدارت پاکستان دے نائب وزیراعظم اتے وزیر خارجہ سینیٹر محمد اسحاق ڈار کریسن جو 23 جولائی کوں فلسطین دے سوال تے سہ ماہی کھلی بحث دی وی صدارت کریسن۔ بیان موجب پاکستان کونسل دے چارٹر دیاں ذمہ واریاں اتے عالمی برادری دیاں توقعات دے مطابق بروقت اتے متحد کارروائی کوں فروغ ݙیوݨ کیتے کونسل دے ساریاں اراکین نال رَل تے کم کرݨ دا منتظر اے۔
