اسلام آباد۔ 1 جولائی (اے پی پی) نائب وزیر اعظم اَتے وزیر خارجہ سینیٹر محمد اسحاق ڈار آکھیا جو اج پاکستان آپݨی 8ویں مدت (26-2025) وچال اقوام متحدہ دی سلامتی کونسل دے منتخب رُکن دے طور تے جولائی 2025 کیتے سلامتی کونسل دی صدارت سنبھال ڳھدی اے۔ نائب وزیر اعظم منگل کوں ایکس (سابقہ ٹویٹر) آپݨی ہک پوسٹ اچ آکھیا جو پاکستان اے ذمہ واری عاجزی، یقین اَتے اقوام متحدہ دے چارٹر، بین الاقوامی قانون اَتے کثیرالجہتی کیتے ڳھاٹی وابستگی نال نبھیسی۔ انہاں آکھیا جو اساݙی صدارت دنیا بھر وچ ودھدے ہوئے تنازعات اَتے انسانی بحراناں دے ویلھے آئی اے، اساں سلامتی کونسل کوں گالھ مہاڑ، سفارت کاری اَتے پرامن تنازعات دے حل تے مبنی جوابدہ اَتے مؤثر کارروائی آلے پاسے ڳھن ونڄݨ دی کوشش کریسوں۔ نائب وزیر اعظم آکھیا جو او ایں مہینے ݙو اعلیٰ سطحی دستخطی پروگراماں دی صدارت کریسن جِنھاں وچ کثیرالجہتی اَتے تنازعات دے پرامن حل نال بین الاقوامی امن اَتے سلامتی دی بحالی اَتے اقوام متحدہ اَتے او آئی سی (OIC) وچال تعاون وچ فلسطین تے سہ ماہی کھلی بحث دی صدارت شامل اے۔ انھاں آکھیا جو پاکستان اقوام متحدہ دے سارے ممبران نال رَل تے کم کرݨ دا منتظر اے تانجو جامع، متوازن اَتے عمل تے مبنی نتائج حاصل کیتے ونڄ سڳن۔
