اسلام آباد۔ 1 جولائی (اے پی پی) وفاقی وزیر داخلہ محسن نقوی لکی مروت دے تھانہ غزئی خیل دی حدود وچ فتنہ الہند دے دہشتگرداں دی ٹریفک پولیس تے فائرنگ دے واقعے دی مذمت کیتی ۔ منگل کوں آپݨے بیان وچ وزیر داخلہ شہید تھیوݨ آلے ݙو ٹریفک پولیس اہلکاراں کوں خراج تحسین پیش کیتا اَتے شہید ٹریفک اہلکاراں ثناء اللہ اَتے اسرائیل دے لواحقین نال دلی ہمدردی تے تعزیت کیتی۔ محسن نقوی آکھیا جو اساں شہید ٹریفک اہلکاراں دے سوگوار ٹبراں نال کھڑوں، خیبرپختونخوا پولیس دے بہادر پُتراں کوں سلام پیش کریندوں۔ وفاقی وزیر آکھیا جو ٹریفک اہلکاراں ثناء اللہ اَتے اسرائیل شہادت دا وݙا رتبہ پاتے، شہداء دیاں لازوال قربانیاں کوں ہمیشہ یاد رکھیا ویسی۔
