اسلام آباد۔ 3 جولائی (اے پی پی) وفاقی وزیر قومی غذائی تحفظ و تحقیق رانا تنویر حسین نال نیشنل سیڈ ݙیولپمنٹ اتھارٹی دے چیئرمین ڈاکٹر آصف ملاقات کیتی۔ ملاقات اچ بجاں متعلق اہم امور تے تفصیلی ڳالھ مہاڑ کیتی ڳئی۔وفاقی وزیر رانا تنویر حسین آکھیے جو قومی زرعی ترقی وچ بجاں دا کردار کلیدی اے، اَتے جدید تحقیق تے مبنی بجاں دی تیاری ضروری اے۔ انھاں آکھیا جو حکومت معیاری بج ݙیوݨ سانڳے پُرعزم اے، اَتے کساناں کوں معیاری بج ݙیوݨ پہلی ترجیح ہے۔وفاقی وزیر مزید آکھیا جو بجاں دی تحقیق وچ نجی شعبے دی شمولیت کوں ودھارا ݙتا ویسی ، اَتے قومی سیڈ پالیسی دے مؤثر نفاذ تے توجہ ݙتی ویندی پئی اے۔ انھاں واضح کیتا جو بجاں دے معیار تے کہیں وی قسم دا سمجھوتہ نہ تھیسی۔
