راولپنڈی۔ 4 جولائی (اے پی پی) سکیورٹی فورسز پاک افغان سرحد تے شمالی وزیرستان دے علاقے حسن خیل اچ دراندازی دی کوشش ناکام بݨیندیں ہوئیں بھارتی پراکسی فتنہ الخوارج دے 30 دہشت گرداں کوں جہنم واصل کر ݙتے۔ جمعہ کوں آئی ایس پی آر توں جاری کیتے ڳئے بیان موجب ہک اَتے ݙو جولائی اَتے ݙو اَتے ترائے جولائی دی وچلی رات سکیورٹی فورسز ہندستانی پراکسی فتنہ الخوارج نال تعلق رکھݨ آلے خوارج دے ہک وݙے گروہ دی شمالی وزیرستان دے ضلع حسن خیل اچ نقل و حرکت دی نشاندہی کیتی جو پاکستان-افغان سرحد دے ذریعے دراندازی دی کوشش کریندے پئے ہن۔ سکیورٹی فورسز مؤثر طریقے نال ہندوستانی حمایت یافتہ خوارج دی دراندازی دی کوشش کوں ناکام بݨایا۔مہارت اَتے نشانے تے کارروائی دے نتیجے اچ سارے 30 ہندستانی خوارج کوں جہنم واصل کر ݙیتا ڳئے۔ ہلاک تھیوݨ آلے بھارتی حمایت یافتہ خوارج توں بھاری مقدار اچ اسلحہ، گولہ بارود اَتے دھماکہ خیز مواد وی برآمد تھئے۔ سکیورٹی فورسز غیر معمولی پیشہ ورانہ مہارت، چوکسی اَتے تیاری دا مظاہرہ کیتا اَتے کہیں وی ممکنہ تباہی کوں روکیا۔ عبوری افغان حکومت کوں پاکستان دے خلاف دہشت گردی دی کاروائیاں کیتے “غیر ملکی پراکسیز” دے ذریعے افغان سرزمین دے استعمال کوں روکݨ دی وی لوڑھ اے۔ پاکستان دی سکیورٹی فورسز ملک دی سرحداں دے دفاع اَتے ملک توں ہندستانی سپانسرڈ دہشت گردی دی لعنت کوں ختم کرݨ کیتے آپݨے غیر متزلزل عزم دا اعادہ کریندن۔
