اسلام آباد۔ 4 جولائی (اے پی پی) وفاقی وزیر داخلہ محسن نقوی پاک افغان سرحد توں فتنہ الہندوستان دے دہشت گرداں دی دراندازی دی کوشش ناکام بݨاوݨ تے سکیورٹی فورسز کوں زبردست لفظاں اچ خراج تحسین پیش کیتا اَتے آکھیا جو فتنہ الہندوستان دے 30 دہشت گرداں کوں عبرتناک انجام تئیں پڄا تے سکیورٹی فورسز وݙی کامیابی حاصل کیتی اے۔ جمعہ کوں وزارت داخلہ توں جاری بیان اچ وزیر داخلہ آکھیا جو پاکستان دی بہادر سکیورٹی فورسز بروقت کاروائیاں کر تے فتنہ الہندوستان دے 30 دہشت گرداں کوں جہنم واصل کیتا۔محسن نقوی آکھیا جو فتنہ الہندوستان دے 30 دہشت گرداں کوں عبرتناک انجام تئیں پڄا تے سکیورٹی فورسز وݙی کامیابی حاصل کیتی اے۔ انہاں آکھیا جو فتنہ الہندوستان دے دہشت گرداں دا انجام عبرتناک موت اے، فتنہ الہندوستان دے دہشت گرداں اَتے پشت پناہی کرݨ آلیاں کوں کہیں وی صورت نہ چھڑیسوں۔ محسن نقوی آکھیا جو فتنہ الہندوستان دے دہشت گرداں دے ناپاک عزائم خاک اچ ملاوݨ تے سکیورٹی فورسز کوں سلام پیش کریندوں. وزیر داخلہ محسن نقوی سکیورٹی فورسز دی پیشہ ورانہ صلاحیتاں کوں سراہیا اَتے آکھیا جو قوم سکیورٹی فورسز دی کاروائیاں کوں تحسین دی نگاہ نال ݙیکھدی اے۔ محسن نقوی آکھیا جو پوری قوم کوں سکیورٹی فورسز دی پیشہ ورانہ مہارت اَتے جرأت تے فخر اے، قوم سکیورٹی فورسز دے شانہ بشانہ کھڑی اے۔
